MCHIMBAJI WA MADINI AKUTWA AMEFARIKI...


SIMANJIRO-MANYARA


Na Wilberd Kiwale

Mchimbaji mdogo wa Madini ya Tanzanite (MwanaApolo) wa Mji mdogo wa Mirerani Wilaya ya Simanjiro Mkoani Manyara,amekutwa amefariki Dunia pembeni ya barabara kwenye machimbo ya Madini Hayo.

Kamanda wa polisi Mkoani Manyara Kamishna msaidizi Liberatus Sabas,amemtaja marehemu kuwa nai Jimmy Chawe (25) mkazi wa kitongoji cha Songambele,katika Mji mdogo wa Mirerani.

Kamanda Sabas amesema Chawe amekutwa amekufa siku ya jumatatu saa 12:30 asubuhi,kwenye barabara iliyopo kwenye machimbo ya Madini ya Tanzanite eneo la Mpaka wa kitalu D na kitalu C Mji mdogo wa Mirerani.

Chanzo cha kifo cha mchimbaji huyo ambaye ana Asili ya Kijiji cha Pomelini Mkoani Iringa hakijafahamika mara Moja,na alikutwa akiwa na jeraha dogo kwenye mguu wa kushoto.

Kamanda Sabas alisema mwili wa marehemu huyo umehifadhiwa kwenye hospitali ya mkoa wa Arusha (Mount Meru) Kwa ajili ya uchunguzi zaidi Kabla ya kusafirishwa kupelekwa Mkoani Iringa.