LOON`DEREKES SIMANJIRO

Mkuu wa mkoa wa Manyara bwana  Elaston John Bwilo amezindua Mradi wa Maji katika kijijicha Londerkes kata ya Kitwai Wilayani Simanjiro mkoani Manyara Uliogharimu jumla ya shilingi Milioni 59 laki tisa 9 na 42 elfu

Kijiji hicho ambacho ni kati ya vijiji 52 vya wilaya ya Simanjiro ni miongoni mwa vijiji vilivyo na tatizo la uhaba wa maji ambapo wakazi wake wanalazimika kuchota maji katika chemchem iliyopo umbali mrefu kutoka kijijini hapo.

Habari kutoka Loondrekes zinasema kuwa awali wakaza wa kijiji hicho walikuwa wanapaata maji katika Chemchem iliyopo mlimani, ambapo wanawake na watoto wakazi wa kijiji hicho wemekuwa wakipata tabu wakati wa kwenda kuteka maji kutokana na muinuko mkali wa mlima huo.

Akizungumza katika mkutano wa hadhara mkuu huyo ameiagiza Halmashauri ya wilaya ya Simanjiro kupitia Vikao vya madiwani kuangalia kwa zaidi kwa macho mawili suala la mifugo kwani ndiyo uchumi pekee unaotengemewa kwa asilimia kubwa na wakazi wa wilaya ya Simanjiro.

Bwana Bwilo ameiomba Halmashauri ya wilaya ya Simanjiro Kupitia Idara ya Mifugo kujenge Majosho ya kisasa kwaajili ya kuogesha mifugo pamoja na kupatiwa Chanjo  na mahitaji mengine muhimu kwa kadri taaluma ya mifugo inavyoelekeza. 

               By Jackson M Mollel (KIONGOZI)