HANANG

WAZAZI WATAKIWA KUTOA USHIRIKIANO.

Hanang-Manyara

Na Wilberd Kiwale
Mkuu wa Wilaya ya Hanang Mkoani manyara Winfrida Ligubi,amewataka wakazi wa kata ya Balangdalalu kutoa ushirikiano wa ulinzi wa shule ya secondary ya Bweni ya Balangdalalu,dhidi ya matukio ya kuungua moto.

Kanali Mstaafu Ligubi ametoa agizo hilo,kutokana na matukio ya kuzuka moto mara Kwa mara kwenye Shule hiyo,na kusababisha kufungwa kwa kipindi cha mwezi Mmoja Kwa ajili ya kukarabatiwa.

Mkuu huyo wa wilaya ameyasema hayo juzi kwenye kikao cha Bodi ya Shule hiyo,alipoitembelea kuona Maendeleo ya ukarabati wa Bweni Moja na madarasa mawili yaliyoungua moto kwa siku tofauti. 

Matukio ya kuungua moto kwa mabweni yalitokea Januari 31 Mwaka Huu na tukio la pili kuungua moto Kwa madarasa mawili yalitokea  Februari 16 Mwaka Huu na Chanzo cha kuzuka moto huo kikiwa bado hakijabainika.

Mkuu wa Shule hiyo GodlivingTyaso amesema ukarabati wa mabweni na madarasa mwili yaliyoungua unaendelea vizuri,ingawa hawakupata Msaada wowote zaidi ya Mfuko wa maafa,na amesema wanafunzi wanatarajia kurudi shuleni mwezi huu wa tatu tarehe 18.